MNF chuan, Chief Minister Lalduhoma'n sorkarna an chan hlima thuthar lakhawmtute a kawmnaah Bangla chei nan sum hman vak vak ṭha a tih loh thu leh chutiang tih ve an tum loh thu a sawi, an ti a, "Chutiang a nih laia Speaker in a bangla Rs 8,40,000 laia a chei tir leh bungraw (Sofa, dining table, doormat, etc.) lei nan nuai 15 lai sorkar pawisa a hmang hi a intuha lo hle a. Hei mai bakah hian Minister leh MLA dangte quarter pawh chei ṭhat a ni hlawm tih kan hria," an ti.

MNF chuan, ZPM hi an sawi loh ang hlirin an awm tih hi chu tlang hriat a ni tawh a. Mipui pawhin ngaiah kan nei tawh a. Chutih laiin sum renchem leh sorkar insawhngheh kumah an puang mek a. An mahni ber a bawhchhetuah an ṭang zel mai hi a pawi hle a. Sum indaih lohna avangin Zoram pum kawng chhe em em pawh an siam thei lo a, sorkar-in vaibelchhe telin sum a puk reng a. Chutih laia Bangla cheibawlna tura sum tam tak a luang hi a uiawm hle, tiin an tarlang.

ZPM sorkara thuneitute hian dawt sawi an hreh lo a, an intiamna bawhchhiat an hreh lo a nih pawhin mipuite hi chhete talin zah ve se kan duh hle, tiin an thuchhuah ah tarlan a ni.